maður er allur að koma til

Með ljótu hárgreiðsluna, já já eins og meistarinn sagði vont en það venst...
Nú er ég líka eldrauð í framan eftir ljósatíma hádegishlésins...
Fór á árshátíðina um helgina, með húfu.. Nei nei ég var ekkert með húfu, bara með hausverk. Svo mikinn að ég þurfti að einbeita mér að því að anda... Adam skemmti sér betur en ég, það fannst mér eiginlega fyndið. En heim komst ég og undir sæng og höfuðverkurinn er svona á undanhaldi...

Annars er bara allt gott af mér að frétta eða þannig, á leið til Akureyrar með piltinn minn þar sem rífa á úr honum rör í eyrum og nefkirtla... Litla skinnið, en mamma og pabbi verða ekki langt undan til að dekra við hann að lokinni aðgerð...

Eruðið samt að grínast með verð á flugi innanlands.... eins gott að maður er með milljón á mánuði.

Over and out...

Mikið er maður eitthvað viðkvæmur

Ég er ekkert að grínast með þetta, ég brá mér í klippingu í dag og held ég hafi bara aldrei aldrei aldrei aldrei verið jafn ógeðslega óánægð með neitt í svona 10 ár.
Ég er svo viðbjóðsleg útlits að það er ekkert venjulegt. Ég fór á kaffihús og var við það að kaupa húfu með kaffibollanum.
Hvað á ég að gera? Ekki fer ég þarna aftur, það er ekki eins og það sé eitthvað hár eftir til að laga. Kristur. Þegar maður er með hár niður á mitt bak og vill láta snyrta vil ég ekki labba út með hár sem endar við háls...andSKOTINN OG EKKI ER ÉG MEÐ AUGU Í HNAKKANUM.
Sjitt ef ég gæti öskrað á bloggið, þyrftuð þið að slökkva á tölvunni ykkar, djöfulsins andskotans helvítis, ég fer ekki í klippingu aftur næsta árið... helvítis helvíti. Já mér er andskotans sama þó ég sé orðljót. Djöfull vildi ég að ég gæti spólað aftur um 24 tíma og hefði ekki komist í þessa andskotans klippingu.

Djöfull er ég í vondu skapi, allt útaf einni andskotans fokdýrri helvítis klippingu.
Sem betur fer er ég ein hérna, en stóra skottið kemur á morgun og það litla á fimmtudag svo það er eins gott að fá sér húfu og vera snöggur að því.

Árshátíð um helgina, MAGNAÐ, er ekki í tísku að vera með hatt.

Ég fyllist gremju

að horfa uppá fávita eins og Einar Odd Kristjánsson tjá sig. Þarna situr hann rogginn með sigog reynir að verja snarbrotið heilbrigðiskerfi sem snýr að vímuefnaneytendum á Íslandi.
Úrræðin eru fá á íslandi, ég á við fáar leiðir. Það er ekkert nóg að hafa menn á vakt sem vilja svo mikið hjálpa. Ég hefði alveg vilja til að vinna á líknandi deild og hjálpa deyjandi fólki, en vegna þess að ég hef ekki menntun og litla þekkingu læt ég mig ekki dreyma um að ganga í verk lækna og hjúkka og ráða mig til starfa.

Þetta viðbjóðslega birgismál er svo ógeðslegt í nafni drottins og þegar ég varð fyrir því að sjá Guðmund í Birginu nakinn með nánast rafknúna ryksugu í rassgatinu í myndbandi sem gekk manna á millum í dag varð ég bara döpur. Djöfulsins pervert og mannillska allt í nafni guðs og helvítis hallelúja....

Æi hvað er ég að rausa, ég sem bý við besta heilbrigðiskerfi í heimi, um leið og ég þakka vel fyrir að eiga ekki við vímuefnavanda að stríða eða lystarstol.

P.s ég er líka komin með ógeð á íslenskum stjórnmálamönnum. Má ekki skipta þessu liði bara út á einu bretti. Steingrímur Joð og Þorgerður Katrín, afsakið mig meðan ég bregð mér frá og gubba á sjónvarpið þvílík endemis leiðindi.

P.p.s ég er ekkert gröm.... svona hálfur mánuður og þá kem ég með stórt skúbbb

Ég las það í Mogganum

að Hreiðar Nói vann enn og aftur í Happdrætti Háskólans. Held maður ætti að breyta þessu í trompmiða og hætta að vinna;). Finnst þessi heppni orðin eitthvað óeðlileg.

Þarna inni stóð ég á jólanótt

Ekkert hrædd;)

Neibbb

Ekkert óeðlilegt lent í mínu toiletti síðustu daga, heheheh kannski ekki við að búast heldur. Ekki nema sniglarnir og sæhestarnir séu svona lengi að skolast út. Reyndar ekki komin mikil reynsla á þetta svo hver veit hvað skolast út um næstu helgi. Ég læt spennta lesendur vita....

Nóinn hefur verið lasinn, hann hefur hinsvegar notað settið óspart;) Ótrúlegt magn af kvefi er að hrjá litla manninn og eftir að hafa verið inni síðan á fimmtudaginn fórum við aðeins út í dag.

Skruppum í Bónus og mikið sem ég er til í að styðja hana Allý í sínum sparnaðaraðgerðum til mótmælis við FÁRÁNLEGA hátt matvælaverð í þessu landi. Maður bara labbar ekki þarna inn fyrir minna en 7000 kall og aldrei er neitt verið að bruðla í matarinnkaupum. Ég er sko ekki að kaupa dýrustu bitana af lambinu, eða hreindýrafillet eins og sumir sem maður þekkir. Ég krydda ekki með einhverjum sérblönduðum villidásemdarkryddiblöndum og drekk léttvín á hverju kvöldi. Maður er að kaupa þetta venjulega, bónusbrauð, klípu, ost, skyr, ýsubita (reyndar roðogbeinhreinsaða) mjólk ávexti og grænmeti. Og mér ofbýður verðið. Svo er alveg dásamlegt að heyra talað um lækkaða skatta á mat, þegar heildsalarnir og smásalarnir hækka svo bara sínar vörur svo að enginn græðir nokkurn skapaðan hlut.
Æi það borgar sig ekkert að vera að fá hjartatruflanir yfir þessu, maður á amk fyrir því helsta og getur setið við sitt eldhúsborð og gúffað i sig, það eru svo langt frá því allir sem geta það.

Annars minnir eldhúsborðið mig á það! MIKIÐ djefill er ég komin með mikið ógeð á að búa ekki í mínu eigin húsnæði. Djöfull hlakkar mig til að flytja héðan;) og það bráðlega vúhú... Spítalavegurinn minn er til sölu, það er með trega í hjarta sem ég sel þessa yndislegu eign en það er víst tími til komin að sætta sig við það að á Akureyri mun ég ekki koma til með að búa og ég fer ekkert með húsið. Ylja mér bara við fallegar minningar úr Spító og hlakka til að leyfa einhverjum öðrum en mér og leigendum mínum að líða vel þarna...
Díssusss þetta blogg hljómar eins og ég sé frelsuð...

Annars fjárfesti ég í kápu í dag, ljósgrárri.. En að velta fyrir mér litnum - ofurpæjuleg kápa samt;)
Annars er ekkert að frétta annað en að uppvaskið bíður í ofvæni eftir mér og ég hlakka til smella mér í beddann svona á laugardagskveldi. Ótrúlega fyndið að hugsa til þess að ég hafi virkilega djammað hverja einustu helgi, föstudag og laugardag hérna í "denn" og haldið að þegar ég yrði móðir myndi ég sitja grenjandi heima því mig langaði svo mikið á djammið. Þvílík fjarstæða hehehhe reyndar mætti kannski vera smá millivegur á þessu... Ætti kannski að smella mér út við og við, reyndar eru allir steinhætti að bjóða mér í partý eða með út á lífið, og finnst það hreint ekki skrítið;)

Heima er gott að vera og á meðan mér finnst það, ætla ég að sitja hér sem fastast á mínum feita rassi....
Njótið helgarinn og lifið heil...

Heilsan maður heilsan

* Varúð þessi pistill verður kannski ekki fyrir viðkvæma.
Góð heilsa er gulli betri. Það er alltaf betra að vera hress, það finnst mér að minnsta kosti.
Í dag hefur heilsa mín ekki verið uppá marga fiska, með hausverk dauðans, eins og slegið sé á gagnaugað á mér reglulega, með þrýsting í hægra auga og eins og þrýst sé þéttu taki á kverkarnar á mér. Jább þannig hausverk fæ ég og ég hata slíka daga. Auk þessa er mér illt í maganum og öll slöpp og ómöguleg. Maginn þemst út (lít út fyrir að vera kominn svona 5-6 mánuði á leið) og ég verð föl og veikindaleg.

Ef ég sofna, vakna ég með meiri hausverk, ef ég fer í bað, finn ég hvernig hann hreinlega magnast við hitann og mér verður óglatt. Ég veit samt afhverju þetta stafar svona nokkurnveginn. Ég er afar viðkvæm fyrir fæðunni sem ég læt ofaní mig og viðbrögðin láta sko ekki á sér standa. Ég er viðkvæm fyrir nánast öllum kolvetnum, kartöflum, hrísgrjónum, sælgæti fer ílla í mig, áfengi, brauð, pasta og eiginlega get ég bara sagt að hveiti arða getur og hefur komið mér inná sjúkrahús.
Verra er að ég er sjúk í þesssa fæðu, finnst fátt betra en kartöflur, hríshrjón með sojasósu, gott naan brauð og svo framvegis.
Nú er svo komið að óþolið hefur náð hámarki og dagurinn í dag verið hreint helvíti. Núna verð ég semsagt að "hreinsa mig" og reyna að koma starfseminni í sæmilegt horf. Það geri ég með því að sneiða hjá þessari fæðu og borða ávexti, grænmeti, fisk, kjöt, drekka mikið vatn og taka vítamín. Eins gerir það mér auðvitað gott að hreyfa mig til að starfsemin fari enn betur af stað.

Hljómar einfalt og gerlegt, en djöfull fell ég oft í þetta, svona miðað við að vera greind stúlka sem ætti að geta haft vit fyrir sér.

Í dag átti ég samtal við barnsföðurinn. Hann segir mér að ég sé ekkert eðlilega slöpp og verði hreinlega að fara til læknis, bauðst til að borga ferð til doksa, en ég útskýri fyrir honum það sem ég hef skrifað hér að ofan /hann þekkir náttlega Höddu í kolvetnalandinu Bretland vel;).
Þá segir hann mér að fara nú í búðina á horninu þar sem hann kaupi sitt jógate og kaupa mér detox te og drekka yfir daginn, ég segist gera það og kem þar við áður en ég náði í Hreiðar Nóa á leikskólann.
Ég ráfa þarna um þessa litlu sætu lífrænu okurbúllu, vel mér detox te, vítamín, einhverja voða góða olíu og þegar ég kem að kassanum kem ég auga á bækling "Ristiltvenna", hhmmmm hugsa ég kannski þetta sé eitthvað fyrir mig til að hjálpa mér...
Spyr karlinn þarna og hann dásamar þetta á alla kanta og út fer ég, enn fátækar með 100 töflur sem á að éta á 10 dögum. Áðan fékk ég mér svo detoxte og les mér til um ristiltvennuna, 1. hluta. Mér skaut skelk í bringu þegar ég las ummæli konu einnar sem lokið hafði kúrnum en hún hafði þetta að segja
" Eftir ristilkúrinn líður mér svo vel og ég er full orku, það er eins og ég hafi farið í líffæraskrúbb og spúlun, þvílíkur munur! Var á kúrnum í meira en mánuð og það leið ekki sá dagur án þess að eitthvað verulega einkennilegt var losað úr í salernið! Mikið slím, kögglar sem líktust soðinni lifur, langir samantvinnaðir drjólar eins og kaðlar og fremur ógeðfelld snýkjudýr eða ormar! Alveg hræðilegt. En á eftir, hvílík vellíðan"

Er þetta grín haldiði? Fer ég að kúka rottum og snæsniglum?? Ég veit ekki hvort ég þori að taka þetta inn, soðin lifur anyone??
Ég fann bara hvernig kjálkinn seig niður á bringu, svo er þarna önnur sambærileg ummæli og einhversstaðar í bæklingum las ég að Rokkkóngurinn Elvis hafi látist úr hjartaáfalli sem harðlífi hafi ollið enda maðurinn fullur af skít....

Jedúddamía, ég held ég verði eitthvað aðeins að skoða þetta. Vitið þið um einhvern sem hefur prófað þetta??

Jæja farin að sofa, vona að mig dreymi eitthvað fallegt!
Kyssss

Jebb she's back!

Komin heim í kuldann, frostið og vinnuna og jeeeeeeeeeeeminn ég grenja mig í svefn á kvöldin. Alveg sérlega mikið ótilbúin að koma heim eitthvað. Held það sé kuldinn, myrkrið og allt það svona í janúar.

Ferðin var yndisleg, bara dásamlegt fólk heim að sækja þetta Scott lið;) ég naut borgarinnar vel, fór ein í ýmsa göngutúra, margar labbiferðir með feðgunum mínum, hitti Þóru vinkonu mína Pé og hennar familíu, brá mér á "söngleik" ef söngleik skyldi kalla, fór heim í hléi, smellti mér á marga pöbba og róluvelli, heimsóknir á elliheimili og bíltúra um hina ýmsu króka og kima Lundína. Ég svaf út alla dagana;) oh eldaði fyrstu máltíðina síðan 10. desember í gærkveldi! Almennilegt frí það! Keypti mér þá droppfookinggordjösss tösku sem ég hef á ævinni séð, ískraði í mér og ég hneig nánast niður þegar ég sá þessa elsku og það gat ekkert mig stöðvað á Portobello Road, Adam skipað í hraðbanka meðan ég fór í skóbúð þar sem ég átti frátekna skó ( Ef þetta lýsir mér ekki í hnotskurn!) En þarna var jólagjöf foreldranna komin algerlega geeeeeeeðveik taska og gullfallegir leðurskór, heppin? Ójá Hadda og stjarnan.

Flugið heim gekk vel þrátt fyrir að vera á ókristilegum tíma. Ég þurfti semsagt að vakna snemma heheh það borgar sig ekki að hafa það of gott.

Nú er hinsvegar hið vanalega líf tekið við, leikskóli, vinna og allt það og um að gera að njóta þess bara. Styttist í árshátíð okkar, sem verður að þessu sinni haldin með 365, Senu og Sagafilm en svo stefni D3 líka á utanlandsferð á næstu mánuðum, ekki þykir mér það nú verra...

Jæja ætla að smella mér í beddann og lesa stafakarlana, eeeeeeeeeeeee fyrir epli;)

Kyss til ykkar, látið nú heyra í ykkur snúllurnar mínar..
P.s Sérstakan koss sendi ég til Selmu minnar....

Sjitttttt

ef að slíkt át og hefur átt sér stað fyrstu þrjá dagana af árinu heldur áfram er ég á leið á sjúkrahús með vöruflutningabíl vegna ofátu og spiks. Ómægod, segi ekki annað.

Ligg hér í vellystingum, var að standa upp frá 3 og hálfs tíma borðhaldi, kæmi ekki niður c vítamíntöflu til viðbótar ég er svo södd. Á sennilega eftir að dreyma einhvern andskotann í nótt en það gerist iðulega þegar ég sofna södd.

Margt að frétta, veit ekki hvar ég á að byrja, kannski maður haldi sig bara á mottunni. Var rænd í gær, á eigin heimili eða þannig.. Fokkings húshjálpin hérna stal af okkur 100 pundum, enginn trúir því uppá neinn náttlega svo ég hef eytt ómældum tíma í að leita að peningum sem lágu á bók við rúmstokkinn. Enginn fór inní herbergið þar sem að Nói og Adam voru úti að leika og ég inni að vinna. Þá fer beljan hér inn býr um rúmið og ákveður að þrefalda launin sín í leiðinni. Hún er að minnsta kosti atvinnulaus núna. Verra að þetta voru peningar sem Hreiðar Nói fékk frá langafa sínum og átti að fara í eitthvað fallegt, EN ekki í bili amk.

Reyndi að versla í dag, það gekk ekki vel, kom heim með blejur og smá pakka handa Adam, ég er alveg vonlaus í versluninni. Held ég éti bara frekar af mér eins og 15 kg og fari með Selmunni til NY, helli mig fulla og strolli í búðir með henni. Hmmmm hvað segiru um það Selman mín. Missi bara lífslöngunina inní þessum búðarklösum.

Annars uppljóstra ég öðrum leyndarmálum og lífsplönum Höddunar seinna, ætla að smella mér í bað og líta svo á seinni hluta skaupsins?
Hvað fannst ykkur annars um það, ég verð að vera neikvæð varðandi fyrrihlutann, hló minni mig bara af Jóni Gnarr, fannst Brynja Börk dáldið fyndið líka heheh

Leitör

Nú er árið 2006 liðið og kemur aldrei tilbaka

Ég óska fjölskyldu, vinum mínum og lesendum síðunnar ef það eru aðrir en falla undir þessa skilgreiningu, friðar og gæfu á árinu 2007. Þakka með þökk í hjarta fyrir allt gott og gamallt.

Í gæR fórum við litla familían í langa göngu um London, ég á það til að renna svona yfir árið í hausnum á mér á þessum degi. Það var alltaf gert heima að hver átti að nefna 3 atriði sem stóðu uppúr sem góð atriði og önnur miður góð- svona öpps and dáns á árinu. Mér þykir þetta ár sem er að líða alveg einstaklega tíðindalítið, er samt að hugsa um að renna yfir það svona lauslega. Fyrir mig svo þeir sem ekki hafa áhuga geta hætt að lesa núna;)

Janúar: Eftir ömurleg veikindi milli jóla og nýárs kom ég frá Akureyri með flugi snemma morguns, bíllinn minn fór ekki i gang og ég mann enn hvað mér var kallt þegar ég kom Nóa á leikskólann með leigubíl og sjálfri mér í vinnuna... Jaðraði við þunglyndi að koma heim í kuldann og vinnuna sem tók sífelldum breytingum. Janúar leið bara blessunalega hratt og vottaði ekki fyrir söknuði þegar sá mánuður kvaddi.
Febrúar: Ég man lítið eftir þessum mánuði. Hélt reyndar stórgott teiti á afmælinu mínu með Ragga. Tjúttaði með mínum góðu vinum og stóð ekki uppúr rúminu daginn eftir.
Mars: Usss einstaklega daufur mánuður, smá rússibani í einkalífinu, árshátíð 365 og stíf megrun í gangi heheh
Apríl: London um páskana, áttum einstaklega ljúfa páska hjá ensku familíunni. Eyddum páskadegi í minnsta sumarhúsi veraldar að drepast úr kulda, en páskaeggið og indverski dinnerinn úr marks og spencer komu sér vel:)
Maí: Fór aftur til London, svaf, borðaði og lék mér. Fór með Ævari frænda í sína fyrstu ferð erlendis og við skemmtum okkur stórvel.
Júní: Eyddi júní að miklum hluta með skottunum tveimur, litla skottið varð þriggja ára og við héldum frábært afmæli í Mávahlíðinni. Fór í lok júní á Hróarskeldu sem mér fannst ekki spes og mun ekki endurtaka.
Júlí: Flutti úr Mávahlíðinni á Bergþórugötuna, sennilega það leiðinlegasta sem ég geri er að flytja og ég geri of mikið að því. Já ef einhver veit um fallega íbúð til sölu í RVK þá endilega láta mig vita.
Ágúst: Byrjaði á verslunarmannahelginni á Akureyri. Man ekkert hvað ég gerði í ágúst annað en að vinna og lifa fyrir sumarfríið sem var framundan. KK og Sævar giftu sig og ég fékk að vera gestur í yndislegu brúðkaupi.
September: Eyddi septembermánuði á grískri eyju og í London. Það var of dásamlegt. Þegar ég verð gömul ætla ég að flytja til Grikklands, hef sjaldan gert neitt eins erfitt og að byrja aftur að vinna og koma heim í skítaholuna á Bergþórugötunni.
Október: Mamma fagnaði stórafmæli og við Nói nutum haustsins í 101 RVK
Nóvember: Höfðum það gott við undirbúning jólanna, mánuðurinn flaug framhjá eins og vill verða þegar skottin eru bæði hjá mér. Fékk nýtt hlutverk í vinnunni, hef unnið meira og minna síðan.
Desember: Jóla jóla jóla, jól á Akureyri, tónleikar, vont veður og mikil vinna, flogið í notalegheitin í London í lok mánaðar þaðan sem þetta er bloggað.


Mikið djefilll líður tíminn hratt. Kannski ekkert svo tíðindalítið ár. Fimm utanlandsferðir og hopp og hí um Ísland. Finnst svo stutt síðan ég var að brasa í janúar 2006, vona að þetta ár verði gott. Er með nokkur markmið fyrir árið en engin sem ég ætla að garga hér á bloggið, nema kannski að sælgæti mun ég ekki setja inn fyrir mínar varir árið 2007 og til NY eða San Fran fer ég;)

Annars er bara allt gott héðan, deginum eytt í útivist og rólóvellir kannaðir. Innandyra umvafinn ættingjum sem slefa hreinlega yfir erfingjanum. Sérdeilis gott það.
Biðjum að heilsa heim

GLEÐILEGT ÁR OG MEGIÐ ÞIÐ EIGA BESTA ÁRIÐ YKKAR HINGAÐTIL FRAMUNDAN

komin i heimsborgina

allt gekk vel og allir gladir. Buid ad halda jol nr 2, barnid fekk stafraena myndavel fra ommu og afa ekki seinna vaena tegar madur er triggja og halfs.... farinn a sofann. Energy is pretty low.

Norður komst ég og aftur heim

Júbb ég komst norður, Ragnar bjargaði rassgatinu á litlu fjölskyldunni enn eina ferðina og ferjaði okkur norður. Það gekk áfallalaust fyrir sig enda eðal kaggi þarna á ferð og eðal Raggi náttúrulega. Jólin voru yndæl, matur, konfekt, malt og appelsín, rauðvín, bjór, kúr undir sæng, sjónvarpsgláp, hittingur vina, kaffihús og almennur stjarfi af áti einkenndi þessi jólin. Á jólanótt stóð ég vopnuð risa flassi og hjálpaði ljósmyndaranum að mynda yfirgefið hús. Gekk fínt;)

Á annan í jólum komum við svo heim með flugi og það verður nú að segjast að við vorum öll fegin að komast í okkar holur og okkar dót. Hinsvegar var það fjandanum erfiðara að vakna í gærmorgun til að mæta í vinnuna. Usss ætti náttúrulega að banna svona vinnu milli jóla og nýárs. Reyndar er tiltölulega rólegt hérna hjá mér svo þetta er allt í key. Ætla að smella hérna inn nokkrum myndum af erfingjanum áður en ég hendist út til að kaupa jólagjafir fyrir ensku familíuna enda ekkert eftir nema að skella sér til London á morgun;)

2 dagar til jóla

Mikið var gott að eiga ekkert eftir í gær og geta bara kúrt heima undir sæng og glápt á imbann með veðrið barði svoleiðis á gluggana.

Só far hefur dagurinn verið fínn, reyndar er klukkan ekki orðin níu en samt er ég búin að afkasta heilum helling. Sé ekki fram á að flugið mitt norður reddist. Fokkings skitsóveður hérna ég er of svekkt til að blogga nokkuð um það mál.

En allavega.... verð að fara að vinna;) Liðið er að týnast hérna inn úr myrkrinu.

Blogghnoð

Jessss þá er loksins runnin upp helgi. Ekki misskilja líf mitt snýst sko alls ekki um helgar. Síðustu vkur hafa bara verið svona eins og kafsund. Ég fylli lungun og dreg að mér andann á mánudegi og finnst ég einhvernveginn vera að koma uppúr í enda vikunnar. Geeeeeeeeersamlega punkteruð.

Þetta er bara gott. Síðasta helgin fyrir jól og ýmislegt stendur til. Til dæmis ætlar litla skottið að fara í bíó og sjá Músakónginn og Hnetubrjótinn, það verður án efa skemmtilegt. Morgunkaffi á Kaffi tár og eins þarf að klára jólagjafainnpökkkun og jólakortaskrif. Jólatónleikar Langholtskirkjukórs annað kvöld, bíó í kveld og soooonnnna ýmislegt.

Æi það er bara svo gott að vera frískur og glaður.

Eigum við ekki að gera það að hefð að blogga á laugardögum;)

Bloggið hefur fengið að sitja á hakanum síðustu misseri. Mikið að gera og mikið um að vera. En ég er hress jájá.

Fór og sá gospelkór Fíladelfíu syngja jólatónleika á fimmtudaginn. Hrikalega gaman þar til farið var að stað með bænirnar. Enn með samviskubit yfir að hafa stolið barmmerkjasafni Óskars Einarssonar söngstjóra og selt það. Reyndar vorum við sendar (systir hans og ég) og látnar biðja um merkin aftur og endurgreiddum foreldrunum merkin meðan þau voru týnd úr börmum barnanna á eyrinni. Hann hefur sjálfsagt fyrirgefið mér þetta núna 20 árum síðan, minntist amk ekki á þetta þegar hann spilaði undir hjá mér síðast;)

Annars fór Nóinn minn norður um helgina og í dag svaf ég út í fyrsta sinn síðan síðasta sumar. Það var svo kærkomið. Eftir góðan göngutúr um bæinn með Sessu minni og kveldmat á Sólon var ég komin undir sæng með bók kl 9 í gærkveldi, ég vaknaði eftir hádegi í dag úthvíld og hress.
Dagurinn í dag hefur svo farið í ýmislegt dútl tengt jólunum og í kvöld er það Sushi með frænkum mínu og fleiri hressum stelpum á Maru.
Ætlunin er svo að sofa lengi lengi lengi líka á morgun og njóta þess að vera ein áður en ég fæ litla skottið og stóra skottið hér í litlu höllina.
Svefninn veltur reyndar á hávaðastillingu nágranna míns á græjunum sínum en ég man greinilega eftir að hafa vaknað upp í nótt með orðið "MYRÐA" greypt í huga minn. Nú svoleiðis hristist hér allt og skekur vegna fokkings dauða "beat-sins" sem er að gera mig geðveika. Að fólk skuli hlusta á svona viðbjóð.

Hadda mis

Í haust fórum við í smá óvissuferð í vinnunni sem ég hef sagt frá hér áður, eftir að hafa klifrað og svitnaði í Adrenalíngarðinum fórum við til Hveragerðis og í sund í Laugaskarði.
Við vorum þrjár stelpur í ferðinni sem fórum saman í klefann, afklæddust og smelltum okkur í sturtu og sunbolina. Þarna var ég kannski búin að drekka 2 bjóra ekki mikið meira en það, smellti mér í heitapottinn og lá þar í smá tíma. Þegar þeirri lögn var lokið sá ég að það væri sennilega best fyrir mig að fara uppúr og þvo hausinn og gera mig ready fyrir humar á Stokkseyri. Ég semsagt fór í sturtuna og að henni lokinni sest ég aðeins á bekkinn þar sem fötin mín héngu. Tók myndavélina mína sem var þarna við hliðina á mér og var að skoða myndir sem ég hafði tekið yfir daginn. Þá kemur samstarfskona mín og ég segi við hana í gríni. Hey Silja, má ég taka af þér nektarmynd? Þegar ég segi þetta er ég enn að skoða myndirnar og lít ekki upp, hinsvegar svara Silja engu. Þá lít ég á manneskjuna við hliðina á mér sem er EKKI Silja heldur einhver allt önnur hávaxin grönn stúlka sem starir á mig. Ég fór í frekar mikla flækju þarna á bekknum, nakin með myndavélina í fanginu og engin þarna nálægur sem hugsanlega gæti verið samstarfskona mín og ég bara ehhhmmm djók, sorrý var að gera smá djók i samstarfskonu minni og jaríjarí. Döfull sem ég hefði viljað vera gleypt af jörðinni á þessu augnabliki.

Ekkert betra en....

þynnkulaus laugardagsmorgun. Nú tala ég eins og ég drekki sérstaklega mikið sem er ekki. Barnaefnið er hérna í bakgrunninum og ég á leið í minn heilaga morgunmat inní eldhúsi, eftir að hafa skokkað niður og sett í eins og eina þvottavél og náð í blaðið.
Hreiðar Nói vaknaði eldsnemma út af jóladagatalinu. Nú liggur hann hinsvegar eins og skata undir minni sæng og horfir á barnaefnið. Gæti hugsað mér einn factor til að fullkomna þetta, en svona er lífið ekki allt hægt.

Sem minnir mig á X-factor í sjónvarpinu í gær. Greinilegt að allt góða söngfólkið að norðan er hreinlega flutt suður. HVAÐ í ósköpunum eru stúlkur og strákar, með eins veika rödd og hugsast getur, laglaust lið að drepast úr stressi sem velur lög sem er fáránlegt að syngja án undirleiks að gera þarna? Mér finnst þetta umhugsunarefni. Er það á þeirri skoðun að þarna eigi það heima? Er þörfin fyrir að sjást og sýnast svona mikil, er svona rosaleg þrá eftir því að verða þekktur eða hvað er þetta? Ég sat bara hérna og starði á skjáinn, undrandi yfir því að 90% af þessu fólki nýtti ekki tímann sinn í eitthvað annað og betra.

Annars er smá jólasnjór úti. Bara kósý hérna inni við kertaljós, jólagafirnar eru svona nánast tilbúnar. Bara þrjár eftir handa pabba, adam og Nóa. Finn aldrei neitt nógu gott en er komin með svona óskýra mynd í kollinn. Ætla að leyfa henni að skýrast áður en ég fer í búð því slíkur er hamagangurinn í búðunun hérna og rétt 2. desember.

Jebb svona er það nú. Fór líka til háls, nef og eyrnalæknis í gær og þetta setti bara punktinn yfir i'ið- Hvað er gert við fólk í læknanámi, er eitthvað mennskt tekið í burtu á 6. ári. Þekki bara einn einn góðan lækni, EINN - hann býr í Hlíðunum, reyndar ekki sérfræðingur svo þetta er kannski eitthvað sem gerist í sérnáminu. Ég hefði a.m.k auðveldlega getað sparað mér 4000 kallinn og étið vaselíndós í staðinn.

En ég er glöð jájá.
Góða helgi
Haddan

Getur einhver sagt mér

Afhverju í ósköpunum pylsur eru svona svakalega dýrar? Mér er þetta bara óskiljanlegt, ekk fyrir ekki vandaðri matvöru en svo.

ANYONE

Veit einhver um far frá akureyri um þarnæstu helgi til borgarinnar. Mikið væri það geggjað.
Barnið verður að komast í sveitina til ömmu og afa síns en getur ekki farið nema hann fái fylgd heim helst í flugi.

Ef til væri guð myndi hann..

koma með kók til mín núna;)

Í gær fór ég í eitthvað það skemmtilegasta brúðkaup sem ég hef farið í. Hafsteinn Þór og Hrefna vinir mínir urðu semsagt hjón. Veislan var algerlega meiriháttar, ótrúlega skemmtileg atriði og ræður og n.b engir vibbaleiðinlegir brúðkaupsleikir. Veislustjórarnir þurftu ekki að rembast við að vera fyndnir með leiðinleg atriði og leiki svo þetta var eiginlega bara fullkomið. Maturinn var geggjaður, borðfélagarnir skemmtilegir og ræða brúðgaumans til brúðurinnar var sérdeilis mögnuð og fékk mann hreinlega til að trúa á ástina og hjónabandið;)

Dagurinn í dag hefur líka verið góður, afmæli í Hafnarfirði og svosum eiginlega ekkert meira, nú er bara búið að tendra á kertum og sonur minn búinn að færa mér ís í rúmið og skeið svo ég fari ekki að æsa mig (það voru hans orð)....

Lífið er leikur, það er bara ljúft;)