Litla barnið mitt góða

er orðinn lasinn "again" það er erfitt að eiga veikan snúlla og erfitt að horfa uppá lítinn strák hósta eins og gamlann mann, með hor og blaut augu... Ég væri samt alveg til í að næstu fjóra mánuðina yrði veikindum útrýmt....

Vinir & vinkonur

Jáhérna hér, ef að ég á ekki þá allra bestu vinkonu sem hugsast getur þá veit ég ekki hvað... Ég var að koma heim eftir erfiðan dag og vinkonan sú fær töluvert mörg rokkprik fyrir daginn í dag... huuuhummmm takk fyrir takk!!

Annars hef ég aðeins pælt í svona vina-vinkonustandi uppá síðkastið, ég hef alltaf átt og á góða vini, kannski engann her, en góða vini og svo kunningja þar tel ég vera stór munur á sko... En ég hef aldrei skilið þennan rifrilda, niðurrifsmóral innan vinahópa, ef maður á vini er maður vinur þeirra no matter.. nema eitthvað BIG komi uppá, en sumir virðast alltaf vera uppá kant við vini sína kunningja. Aldrei skilið svoleiðis bras enda drulluþreytandi ástand.

Ef

ég vissi ekki betur, héldi ég að ég ætti ekki baun í honum Hreiðari Nóa, krakkinn er svo góður að ég er hissa hvern einasta dag... Kannski ég hefi farið heim með vitlausan dreng af fæðingardeildinni!

!

ER einhver heppinn þarna úti sem getur passað litla manninn minn á morgun frá hádegi í svona þrjá tíma.....

Ekki að gera sig

Sjæt, pizzur, franskar, rauðvín, kók, súkkulaðikúlur, kartöfluflögur, apollolakkrís... ég er semsagt í hópavinnu dauðans og jeminn eini hvað það er gaman.... ekkert stress bara kjaft og slúður um allt og ekkert.... ég þyrfti nauðsynlega að komast í ÞREK VIII til að hrista þennan viðbjóð af mér og hver veit nema að ég skelli mér fyrir MATARboðið sem ég er á leið í.......Nammi Selma mín er sko ekki beint að klikka.....

Verð víst að fara að ná í prinsinn minn...

Ps. ég held að það sé maður með áráttuhegðun eða þráhyggju að sópa götuna mína, hann var að fara framhjá í svona sextugasta skipti á einhverjum bílsóp, nei annars sextugastaogfyrstaskipti.........rétt í þessu

OK

ég er orðin geðveik, ég finn kúkalykt allsstaðar.....

Bindindi

Nú er mikið í tísku að fara í allskyns bindindi... Nammibindindi (eitthvað sem mér tókst að halda út í tæplega tvö ár) Geðveik ég veit! Djammbindindi, eitthvað sem ég hef aldrei farið í enda ekki haft mikið samviskubit yfir því djammi sem ég hef djammað (enda aldrei verið mikið fyrir það:-) Áfengisbindindi eitthvað sem ég hef aldrei beint ákveðið sjálf, þó svo að eins og ein meðganga hafi sett örlítið stopp á drykkju sem var að sjálfsögðu eðlileg og jákvæð þróun....Nú kynlífsbindindi er eitthvað sem ég hef staðið mig sérstaklega vel í mér til ómældrar ánægju.... en nú er ég komið með rétta bindindið þeas PENINGAeyðslubindindið nú er semsagt málið hjá mér að eyða ekki neinum pening í viku... og ef ég brýt bindindið þarf ég að borga tvöfalda þá upphæð inn á reikning sem einhver annar á!!! Datt í hug að hafa það minn reikning en þá yrðið það eiginlega hvati til að eyða!! Skilja þeir sem skilja... Suussss góð pæling í gangi hjá mér!! Svo nú er bara að fara að setja sig í betlgírinn, einhver sem vill mig í mat!! Ég er matgrönn með meiru:-)

Mánudagur...

allltaf góður!! Enn og aftur er ég orðinn fangi letinnar miklu, kemur reyndar oft í kjölfar erfiðra helga en svona er nú víst lífið. Árshátiðin var vel heppnuð og kynnar kvöldsins Sveppi og Auddi áttu góða spretti. Diddú söng eins og engill, rektor tókst að drulla yfir mig í stuttri ræðu (já gott á mig ég veit) og borðfélagar mínir voru eins skemmtilegir og maður getur hugsað sér!! Hinsvegar heltók mig einhver sú mesta syfja sem ég hef lentí á balli, veit ekki hvort það var ginið
í vatnsglasinu sem var í fordrykk, eða baiylísinn sem við Sævar fengum okkur eftir aðra ferð upp stigann... Allavega var daman komin undir sæng klukkan hálftvö og rak upp öskur klukkan svona fimm þegar ég fann að ég var ekki ein í rúminu... Lá þá ekki minn elskulegi maki frá Rvk þarna í sakleysi sínu en ég var ekki vör við neitt uppískrið enda var lýsingin á mér að ég hefði verið eins og dautt kjötstykki sem bærði ekki á mér þegar ég fékk (óvart) spark í mig...

Sunnudagurinn varð því laus við alla timburmenn og ég vatt mér í sund´og synti eins og Keikó heitinn, borðaði góðann mat og ís og átti quality time með familíunni......

Jæja best að fara að hundskast til að gera eitthvað.....

Ég

held ég hafi drukkið svefnlyf í Sjallanum í gær!

Iceland express

Held að menn séu að tapa sér hjá flugfélaginu, um daginn fékk ég mail og í hausnum stóð "Hadda, konan getur verið ein og notið sín" verið var að bjóða fáránlega lágt verð til London, já já OK minnið mig á að ég þarf endilega að fara að drífa mig... og njóta mín!! Svo núna "Dillaðu bossanum fyrir færri krónur" eitthvað furðulega lágt verð til að komast á skíði......

Ég verððð að fara að drulla mér til útlanda og það fer ótrúlega í taugarnar á mér að I. express skuli bara fljúga til Danmerkur, sem er boring og til Bretlands, þar sem ég myndi sjálfsagt þurfa að smella mér í enn einn tilfinningapakkann.... Iss piss ég verð bara að skella mér til minnar uppáhaldsborgar Budapest!!!

Alltíeinu

langar mig svona rosalega í gott svart kaffi og mjólkurkex og dýfa svo kexinu í kaffið..Ég held ég láti þetta eftir mér!

Greit!

Loksins þegar ég hélt að barnið væri að hressast, er hann þá ekki allur löðrandi í útbrotum um allan kroppinn.... Þarf að skella mér með hann til læknis aftur seinnipartinn í dag.

Smart

Það er mynd af mér í safnaðarblaðinu... Ævagömul mynd á tímabilinu sem Selma og Sibba vildu mig klippingu.. Dísus

Ekki slæmt

Smellti mér í þrek II áðan og svei mér þá ég er orðin háð helvítis hrefingunni, búin að hanga heima og skipta á kúkablejum síðustu þrjá daga og ekki komist úr húsi svo það var fínt að svitna eins og mofo í pallaleikfimi og spinning...

Annars fór ég svo í klippingu í dag, orðin vel breið rótin.. Hárgreiðsludaman vildi fara út í rokkarabreytingar á hausnum á mér.. sítt öðru megin og stutt hinum megin.. og toppinn þvers og kruss skakkt og sítt og stutt.... En ég hélt nú ekki, ekki alveg sami vorfílingsrokkarahugur kominn í mig svo ég passaði á þetta nýja útlit og er sama lumman fyrir vikið...... Annars átti mamma það áðan " hmm já þetta er sankölluð tískuklipping" Bara diss í kellingunni enda hún mun meiri gella en ég verð nokkurn tímann:-) Gaman að því.....

Jæja ætla að henda mér í sturtu fyrst litli sjúklingurinn minn sefur:-)

Bara tveir dagar í rokk og skvízudag, hlakka mikið til!!

Dagurinn

í dag var hreinasti viðbjóður..... svona á almennilegan hátt...

Sá samt mjóasta mann í heimi og hef ákveðið í framhaldinu að finna mér mann, hummm þetta er merkileg ákvörðun í ljósi þess að hana hef ég ekki tekið áður og hefur sú ákvörðun EKKERT með mjóa manninn að gera.... Set etta á árs planið, já já ég þarf minn tíma til að venjast tilhugsuninni, "Plan in action on saturday"

Ég fór með soninn til læknis, eyrnasýking og lungnakvef, ég legg ekki meira á ykkur.. öll plön um að massa verkefni eru orðin að engu, ég er KOlfalllin í aðgerðargreiningu og hef nú eytt u.þ.b tveimur tímum í að komast inn á HA-serverinn sem ég veit ekki einu sinni hvort er raunhæfur möguleiki til að finna solverinn í exel.... hversu fúlt það er getur enginn maður ímyndað sér nema kannski þunglyndissjúklingur með veiki á lokastigi...

Kveð að sinni fullviss um að morgundagurinn verður bjartur og fagur:-)

Apótek

Skrapp í apótek í dag sem er ekki í frásögu færandi þar sem litli sonur minn er fárveikur og þurfti hitastillandi lyf... Nú ég ákvað semsagt að kaupa öll þau smyrsl, stíla, töflur og verkjalyf sem mér hefur vantað en ekki keypt vegna fjárkorts og byrjaði að þylja upp þær vörutegundir sem mér vantaði, ég var orðin frekar vandræðaleg og viss um að konan héldi að ég væri helsýkt með sjúkdóma á lokastigi... Þegar inn kemur kona og biður um lúsapúður fyrir hesta!!! Ég leit ekki út fyrir að vera vitund fáránleg miðað við hana... EN það besta var að helvítis púðrið var uppselt.......

17.júní 1999

Sjitt það eru að verða fimm ár síðan... Robbi er búin að gera vef fyrir okkur!! Nú er um að gera fyrir alla sem tilheyra þessum yndælis hópi að skrá sig og taka virkan þátt í umræðunni og sprellinu....

Stei tjúnd!!

Ósniðugt

er að éta harðfisk við tölvuna.... mylst ofaní takkaborðið!!! Setti inn myndir af Hreiðari Nóa á síðuna hans áðan... ER sko að reyna að gera verkefni í aðgerðargreiningu en SKIL EKKERT hámarka, lágmarka, z, y kjaftæði svo ég vafra eins og gömul geit um netið í staðinn...... ekki gott verð að klára þetta fyrir fimmtudaginn....

Stjörnuspáin mín

fyrir mars 2004

Skoðaðu hvað þú átt og hvað þú skuldar. Fyrstu tvær vikur mánaðarins gætu leitt til aukinna tekna, eða þá endurnýjunar á gildismati. Vatnsberinn áttar sig á því í mánuðinum að ekki eru allir viðhlæjendur vinir og sumir þeirra hafa jafnvel verið honum fjötur um fót. Samskiptaplánetan Venus hjálpar til við sættir fyrstu dagana í mars, bjóddu systkyni eða nágranna út að borða. Fullt tungl 6. mars gæti svipt hulunni af einhverjum leyndardómi. Tjáskipti verða áreynslulausari þegar sólin fer í Hrút 20. mars og hugsanlegt að Vatnsberinn geti alls ekki haldið sér saman. Ekki segja neitt sem þú sérð eftir og hugsaðu áður en þú talar.

Fullt tungl á árshátíðinni 6. mars, ég hef ekki góða reyndlu af fullum tunglum, ég ætti kannski að hætta við!

Reikningar

Eftir að hafa greitt reikningasúpu mánaðarins sé ég fram á marsmánuð sem mánuð hafragrautar.... Allir velkomnir í hafragraut og vatn!