Munur að hafa ljósmyndara í familíunni

Að minnsta kosti til að taka myndir af barninu....

Korter er ekki langur tími

EN þegar um ræðir fyrirlestur á Hótel Loftleiðum á morgun um eitthvað sem ég kann ekki skil á, finnst mér þetta hel**** langur tími.

Kannski tími til kominn að dusta rykið af ræðumanns Íslands töktunum..... OMGAWD

og já semja helvítis kynninguna....

...eftir það kemur svo helgi. Hvað á að gera þá?

Formið er ekkert

Síðastliðin sunnudag, vaknaði ég upp ansi mikið þunn. Illt í hausnum með þurran góm, nettan magaverk, örlitlum skjálfta og veruleg þreyta var það sem við mér blasti... Barnsfaðir minn vildi ekki sjá mig eyða annarri helgi og jafnvel mánudegi í þynnku og talaði mig inná göngutúr um Öskjuhlíðina.

Eftir klukkustunda rökræður um hvað mér væri fyrir bestu, stóð frú Stewartsdóttir úr rekkju og af stað í átt að Perlunni. Ég rétt komst í Sunnubúðina og drakk Kristalinn minn á verulegum hraða. Upp komst ég og þvældist um Öskjuhlíðina í dágóðan tíma, það er skemmst frá því að segja að ég gat vart gengið vegna strengja á ólíklegustu stöðum.

Slíkt er formið - Það er semsagt EKKERT....

Ég er búin að vera á leið í ræktina í dágóðan tíma en einhvernveginn ekki fundið mér tíma... Í dag kom hinsvegar að þessu og í ræktina fór ég.... Það er skemmst frá því að segja að ef ég ætla mér að mæta þangað reglulega VERÐ ég að fá einhver geðlyf.
Þetta er það leiðinlegasta sem ég huxanlega geri. Á 2o mínútum var ég búin að fara í þrjú tæki og var farin að binda snöruna í huganum.

Ef ég fæ mér ekki geðlyf verð ég að amk að fá mér mp3 spilara. Ég veit annars ekki hvernig ég geri þetta.....
Ég fór í Hreyfingu, en þangað fer ég ekki aftur. Ég fékk rass á öxlina á mér og það fannst mér viðbjóður. Ég ætla í Laugar á föstudaginn og muna að taka einhverjar gleðipillur áður.

Held samt að ég taki ræktina fram yfir þynnkuna, djöfulsins viðbjóður er þetta og alveg sama hvað ég drekk lítið....

Jæja, farinn að sofa í hausinn á mér......

Sætastur

Yndislegt strákaskott sem ég á. Gersamlega undursamlegur

mynd

Held i alvörunni að ég færi mig um set, aftur á gamla staðinn BARA til að getað póstað myndum af mér og mínum.
Finnst einhvernveginn eins og heimurinn eigi það skilið

ha?

Jahérna hér

Ef þetta er ekki bara ögn betra en það íslenska, þyrfti nú reyndar að fá ögn gleðilegra lúkk á síðuna en það kemur með kalda vatninu:-)

Já já ég blogga kannski bara aftur i kvöld er að fara í matarboð....

koxa á centralinu

alveg komin með leið á centralinu, spurnig um að blása lífi í þessa gömlu síðu skrukku?

Blogg

Nú mega allir breyta tengingu á mig, því ég er hætt að blogga hér og farin að þar.... Verið svo dugleg að kommenta á hinum staðnum.........

Veljum íslenskt

Er að hugsa um að flytja mig hingað ákveð það á morgun

Hún er á leiðinni

þessi elska. Get ekki beðið eftir að rumpa ritgerðinni af, það verður leikur einn með hana í klofinu.... Bið að heilsa frá Sun City

Sonur

minn er búin að uppgvöta spiladós sem hangir á rúminu hans, þeir sem þekkja til hans vita að hann er þokkalega virkur og það sést berlega núna. Spiladósin þagnar ekki og hann togar í spottann á svona þriggja sekúndna fresti.... ég er kominn með ÓGEÐ á þessari vögguvísu sem hljómar um íbúðina.

Spaug

stofan er sá ömurlegasti þáttur sem um getur í íslensku sjónvarpi, hversu sorglegt er að 70% þjóðarinnar skuli sitja og horfa á þetta og hlæja.............

Annars er ég að drepast ofaní klofið á mér og, ætti að vera að gera fyrirlestur í markaðslegri boðmiðlun en er að hugsa um að horfa frekar á söngkeppni framhaldsskólana... er verzló með?? ekki nema sjö ár síðan ég keppti fyrir MA, iss hvað tíminn flýgur

Neyðarlegt

Hvað þessir ungu menn í Gettu betur eru greindir, ég veit ekki eitt einasta svar.......

-

Létt lund

henti mér í ræktina í dag, hef ekki farið í svona þrjár vikur og ætlaði mér sko ekki á vigtina, enda lifað á kaffisúkkulaði síðustu vikur... en vitið menn ég hef ekkert þyngst, nú sé ég enga ástæðu til að hætta að borða kaffisúkkulaði og vera að þvælast í ræktina!!

Hjálp

Siðferði og samfélagsleg ábyrgð í markaðslegri boðmiðlun.. ég er ekki að meika þetta efni!

Pressan

á lokaritgerðina fyrir 10. apríl er orðin ískyggileg, ekki nóg með páskaeggið og rauðvínið, heldur er einnig í húfi dinner með matarklúbbnum Fánar sem ég ku vera meðlimur í..... Klúbburinn var stofnaður 22. september 1998 í tíma í H6 í MA, já svona er ég nú viðbjóðslega minnug á það sem skiptir litlu máli, eða nei annars það eru litli atriðin sem skipta mestu máli í lífinu. Klúbburinn samanstendur af mér, Kjartani Smára og Þóru Pé, einhverntímann var nú tekin ákvörðun um það að makar fengju ekki að vera með fyrr en allir væru lofaðir, en ég held ég verði að beygja mig fyrir þeirri reglu... Get þá jafnvel notað tímann í að finna mér maka eða ekki!! Kannski ég noti tímann og finni maka 10. apríl (eftir matinn)... Þá ætti ég ekki að vera í neinni hættu í prófunum í maí, ég meina ég er búinn að finna hann..á bara eftir að komast að því hvar hann býr:-)

Veikindi

Pöddur og aðrar bakteríur, drullist heim til ykkar og leggið ykkur. Konurnar í apótekinu bentu mér á að fá styrk hjá tryggingastofnun vegna lyfjakaupa á skömmum tíma!! Barnið er enn veikt og fór heima fimm daga til dagmömmunar í mars, fyrir það greiði ég sexþúsund kall daginn sem er heví.... fyrir mig.. Svo kannski það sé skiljanlegt að það séu komnar 7 blaðsíður í lokaverkefnið okkar, reyndar sjö blaðsíðum meir en í gær svo það er gott mál.

EN það er komið skriflegt markmið, 10. apríl verður fræðilegi hlutinn tilbúinn, þá mun ég Hadda Hreiðarsdóttir fá mér rauðvín og bjór og henda mér útá lífið. BARA ef fræðilegi hlutinn verður tilbúinn reyndar, svo ég er undir mikilli pressu rauðvínsflöskunnar, sem er einungis jákvæð pressa í þetta skiptið..

Annars er ekkert að frétta ég fer bara uppá spítala og í Bónus og þar gerist nú ekkert merkilegt, nema að páskaeggin eru á hlægilegu verði í Bónus, afhverju selja þeir ekki rauðvín líka!

Ég er að hugsa um að fara á morgun og fjárfesta í einni rauðvínsflösku og einu gildu páskaeggi og stilla því upp við tölvuna, ef ég klára fræðilega kaflann má ég ráðast á góssið, annars verð ég að gefa mömmu rauðvínið og bróður mínum páskaeggið. Fylgist því spennt með:-)

Auðvitað

Þetta er löngu sannað mál, bekkurinn minn úr MA er einfaldlega sá langflottasti í sögu skólans, djöfull sem ég get ekki beðið eftir að júbbílera, ég verð ekki mönnum sinnandi. Og afhverju er Háið flottast, jú auðvitað fyrst til að vera með 100 % skráningu á síðunni flottu